Kuliner Solo, sisi lain…

Oleh-oleh dari Didiet Priatmadjie saat “Tour de Java” bersama keluarga, akhir 2008

/

Crito sithik tentang wisata kuliner nang Solo.  Sakdurunge mangkat aku wis nginjen artikel “wisata kuliner di Solo” (mbiyen sopo sing ngirim yo?), trus tak titeni sing kiro-kiro gampang ditekani, soale sebagian bukak tengah wengi koyo wong ronda malam (mis. Gudeg Cakar bu Kasno, dari jam 01.30 – 07.00 WIB), lsp.  Karepe ethok2 arep dadi Bondan Winarno, ben mak nyusss…

Awan aku nang Pasar Gede, nggoleki Dawet Telasih bu Dermi, langsung ketemu, sing ngantri rodo akeh.  tapi ora pati nyaman diminum di tempat, soale aroma sekitarnya aroma pasar tradisional (sing kerep nang pasar becek pasti apal..), pokoke ambune wis ora karuan, padahal dawete enak & seger, dadi dibugkus wae trus disruput di jalan sambil keliling kota Solo….

Terus nang Soto Triwindu, saiki wis pindah nang pinggir dalan, ora usah mblusuk nang pojok pasar klithikan. Isih rame koyo biasane, tapi rumangsaku kok wis ora koyo mbiyen enake, segone kurang mateng, daginge isih atos, ora ono gajihe, duduhe yo ora nyamleng koyo mbiyen.  Bojoku & bulikku yo berpendapat sama, dadi ora mung aku. Terus mampir tuku Srabi Notosuman, sing tuku didaftar jenenge, ngantrine suk-sukan, parkire ewuh banget, ngenteni l.k. 30 menit.  Lumayan, rasane isih enak koyo mbiyen. Pancen srabi kuwi selalu enak, opo maneh rabi… 🙂

Bengine aku nggoleki Kemin, wis ora nostalgila maneh, wong aku wis kerep mrono.  Nanging saiki wis pindah rodo ngulon sethitik soko Monumen Pers.  Pesen pertama wedang jae tape, rasane yo wis podho karo sing mbiyen2 – anget2 wangi tape.  Trus pesen tahu bacem, wader bakar, kikil.  Lha kok rumangsaku rasane yo wis bedo, mbiyen ki rumangsaku mak nyusss tenan.  opo mergo pindah tempat?

Mulihe wis jam 12an bengi, mampir nang Susu Shi Jack, cedhak prapatan Fajar Indah, kulon Manahan.  Sing iki pancen ora ono nang daftar wisata kuliner Solo, tapi aku wis nate mrene, lan ora kuciwo.  Sesuai nama warungnya menu yg ditawarkan serba susu (cocok buat bapak2) : ono Sukatman (susu coklat manis), Superman (susu perah manis), Superboy (susu perah boyolali), Sumur (susu murni), Tante Susy (susu syrup tanpa telur) – agak maksain ya?  anakku sing klas 6 SD tiba2 komentar : ada lagi pak, pesta bugil...  Hah? aku melotot ke arahnya. Tapi dia meneruskan dgn santai : pepes tahu bumbu gulai…

Dasar anak sekarang…!